Upplýsingar

Koma í hús

Lyklar

  • Lyklabox eru á öllum húsum og koma númer fram á leigusamningi.

Koma farangri í hús

  • Aka má að húsi til að losa farangur en síðan skal færa bílinn og geyma hann á bílastæði.

Tuskur

  • Við komu má finna á eldhúsborðinu taupoka með tuskum og moppu.

Upplýsingamappa

  • Endilega kynnið ykkur upplýsingamöppu sem finna má á eldhúsborðinu.
  • Ef eitthvað er athugavert við komu í hús vinsamlegast hafið þá samband við vaktsíma umsjónarmanns.

Heiti potturinn

  • Heitur pottur er við öll hús á svæðinu og á hann að vera tilbúinn við komu.
  • Lokið pottinum eftir notkun.
  • Við brottför á hann að vera tilbúinn til notkunar fyrir næsta leigutaka.


Umgengnisreglur

Reykingar/veip

  • Bannað er að reykja eða veipa í öllum húsunum á svæðinu.

Gælydýr

  • Öll gæludýr eru bönnuð á orlofssvæðinu.

Háreysti

  • Þar sem húsin standa þétt saman er fólk beðið um að taka tillit til nágranna varðandi hávaða.
  • Kyrrð á að vera á svæðinu eftir miðnætti.

Ferðavagnar, húsbílar og tjöld

  • Ekki er leyfilegt að tjalda eða vera með ferðavagna/húsbíla við húsin.
  • Heimilt er að vera með ferðavagna á vissum svæðum í samráði við umsjónarmenn. ATH! ekki er boðið upp á rafmagn.

Klósettið er ekki ruslafata!

Brottför

Frágangur - hús, grill og heiti potturinn

  • Skila þarf húsi hreinu og tilbúnu til notkunar fyrir næsta orlofsgest, í síðasta lagi kl 12:00 á brottfarardegi. Þetta á einnig við um grillið og heita pottinn.
  • Á veturna er heimilt að vera í húsi til kl. 17:00 ef brottför er á sunnudegi.
  • Ef eitthvað er að má finna blað í upplýsingamöppu sem hægt að skrifa á athugasemdir til umsjónarmanns.
  • ATH! ef þrif við brottför er ábótavant verður innheimt óþrifagjald hjá leigutaka. Að lágmarki kr. 15.000.

Lyklar

  • Muna að setja lykil í lyklabox við brottför og rugla númerinu á boxinu!

Tuskur

  • Skila á taupoka með óhreinum tuskum í körfu í forstofu í kjarnahúsi við brottför.

Sorp

  • Sorpgámar fyrir almennt heimilissorp og pappír eru á bílaplani við húsin.
  • Ekki geyma rusl utandyra, það getur freistað dýra.

Flöskur og dósir

  • Tunnur fyrir einnota drykkjarílát eru við sorpgámana - ekki setja rusl í þær tunnur.

Neyðartilfelli

Ef veikindi eða slys ber að þarf að hringja í Neyðarnúmerið 112. Einnig er hægt að fá aðstoð læknavaktarinnar í síma 1700 og hafa samband við umsjónarmann, símanúmer hans má finna á forsíðu upplýsingamöppunar.